Dhunuan bashkëshortet e tyre, arrestohen dy fierakët

Shqipëria

Dhunuan bashkëshortet e tyre, arrestohen dy fierakët

Më: 11 prill 2022 Në ora: 10:14
Foto ilustrim

Dy persona kanë rënë në pranga në Fier, pasi akuzohen se kanë ushtruar dhunë ndaj bashkëshorteve të tyre.

Policia njofton se në pranga ranë për veprën penale “dhunë në familje” u vunë S. K., 52 vjeç, dhe V. Z., 56 vjeç, banues në Fier.

Po ashtu, specialistët për Hetimin e Krimeve në Komisariatin e Policisë Fier ndaluan të shpallurin në kërkim N. K., 35 vjeç, banues në Fier, pasi Gjykata e Shkallës së Parë Fier me vendimin e datës 11.12.2021 ka vendosur masën e sigurisë “Arrest me burg” për veprën penale “Mashtrimi”.

Specialistët e Sektorit të Qarkullimit Rrugor në DVP Fier ndaluan shtetasin e shpallur në kërkim B. B., 42 vjeç, banues në Patos, për veprën penale “Drejtimi i automjetit në mënyrë të parregullt”.

Materialet i kaluan Prokurorisë, për veprime të mëtejshme procedurale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat