Mesazhi i fortë i Metës: Ka ardhur koha për një zgjim dhe shkundje

Shqipëria

Mesazhi i fortë i Metës: Ka ardhur koha për një zgjim dhe shkundje

Më: 13 prill 2022 Në ora: 11:18
Ilir Meta

Presidenti Ilir Meta ka zhvilluar një takimi me një grup të rinjsh të programit të OSBE-së në Shqipëri “Youth Trail”, që synon të promovojë bashkëpunimin e rinisë shqiptare me bashkëmoshtarët e tyre nga të gjitha shtetet e Ballkanit Perëndimor.

Në takim ishte i pranishëm edhe Ambasadori i OSBE-së, Vincenzo Del Monaco, ndërsa Kreu i Shtetit ka theksuar rëndësinë e angazhimit dhe përfshirjes aktive të të rinjve në politikë dhe vendimmarrje, për të përshpejtuar proceset integruese të vendeve tona dhe konsoliduar arritjet e deritanishme për paqen, sigurinë dhe stabilitetin në rajon.

Ka ardhur koha për një zgjim dhe shkundje të rinisë, për të marrë në dorë fatet e saj dhe të së ardhmes së vendeve të Ballkanit Perëndimor. Për këtë është e domosdoshme që rinia të jetë e bashkuar dhe ndërvepruese, veçanërisht për të nxitur llogaridhënien në çdo nivel dhe refuzuar politikat qeverisëse, që nuk i dëgjojnë, nuk i përfshijnë dhe nuk ju japin asnjë mundësi për të shpalosur potencialet e tyre.

Shqetësimi im i madh është shpopullimi, veçanërisht largimi i të rinjve, që përbën një kërcënim mjaft serioz për të ardhmen e vendeve tona, veçanërisht të Shqipërisë. Është thelbësore të rikthejmë shpresën dhe besimin tek të rinjtë, për t’u krijuar të gjitha hapësirat për të ndërtuar në vendin e tyre, të ardhmen e sigurt europiane”, është shprehur Presidenti Meta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat