Duke nisur nga dita e nesërme deputetët e PS, do të propozojnë emrat e tyre preferencialë si kandidatë për President të Republikës.
Lajmin e njoftoi sot në një prononcim për mediat, kreu i grupit parlamentar të PS, Taulant Balla, ndërsa tha se cdo deputet socialis do të propozojmë jo më shumë se tre 3 si kandidatë për kreun e ri të shtetit. Top Channel sjell fletë-propozimin, i cili do të plotësohet nga ligjvënësit socialist, e më pas do të dorëzohet në zarf në Kryesinë e kuvendit.
“Bazuar në procedurën e miratuar në Mbledhjen e Grupit Parlamentar të datës 28 Mars 2022, çdo anëtar i Grupit Parlamentar mund të propozojë një kandidat(e) por jo më shumë sesa tre kandidatë(e) brenda një zarfi të mbyllur dhe të sekretuar në mbledhjen e posaçme që do të njoftohet nga Kryetari i Grupit. Kandidatët e propozuar do të merren në shqyrtim nga Grupi i Punës së ngritur me vendimin e sipër-përmendur të GPS, me qëllim verifikimin e plotësimit të kritereve të përcaktuara në Kushtetutën e Republikës së Shqipërisë për kandidatin për President të Republikës.” thuhet në fletë propozim.
