Ministri i Mbrojtjes së Shqipërisë, Niko Peleshi, ka reaguar në Facebook, pas tërmetit të fortë mbrëmjen e së premtes, i cili ishte me epiqendër në Bosnje Hercegovinë, por që lëkundjet u ndien në pjesën më të madhe të Ballkanit, në Shqipëri dhe në Itali.
Në postimin e tij Peleshi shkruan se tërmeti i fortë që është ndier në disa qytete të Shqipërisë, nuk ka shkaktuar dëme materiale.
Postimi i Peleshit:
Të dhënat paraprake nga IGJEUM, konfirmojnë një tërmet të fortë me epiqendër 10 km në Jug- Perëndim të qytetit Monstar, Bosnje Hercegovinë, me Magnitudë 5.7, Thlësia 10 km, 202 km nga Tirana.
Ky tërmet është ndjerë pothuajse në të gjithë vendin por deri në këtë moment nuk raportohet për të lënduar apo dëme. Ndërkohë të gjitha strukturat e mbrojtjes civile janë në monitorim të situatës në të gjithë vendin
