Shoferi që përplasi çiftin dhe foshnjen 3-muajshe, ishte i droguar dhe me vajzën e tij të mitur në veturë

Shqipëria

Shoferi që përplasi çiftin dhe foshnjen 3-muajshe, ishte i droguar dhe me vajzën e tij të mitur në veturë

Më: 9 maj 2022 Në ora: 20:10
Aksidenti ne Tirane

Ajas Sulejmani, shoferi i automjetit Mercedes Benz G Class që përplasi çiftin e bashkëshortëve dhe foshnjen 3-muajshe, në momentin e aksidentit ka qenë me vajzën e tij në makinë.

Pas përplasjes së frikshme të regjistruar mesditën e së dielës, 39-vjeçari mori vajzën e tij dhe përmes një të afërmi ai u arratis, por vetëm pas 2 orësh Sulejmani u arrestua në një spital privat në kryeqytet.

Pas arrestimit shoferi që përplasi çiftin dhe fëmijën tek vijat e bardha, rezultoi se drejtonte automjetin nën efektin e lëndëve narkotike të llojit kanabis.

Vetë Ajas Sulejmani përpara hetuesve deklaroi se largimi nga vendngjarja dhe fshehja në një spital privat u bë pasi ishte i tronditur.

Pavarësisht deklarimeve të bëra nga 39-vjeçari, ndaj tij policia ka ngritur 3 akuza.

Konkretisht shkelja e rregullave të qarkullimit rrugor për të cilën Kodi Penal parashikon dënim nga gjobë deri në 20 vite burg, largim nga vendi i aksidentit vepër kjo që klasifikohet si kundravajtje penale dhe dënohet me gjobë deri në 1 vit burg, dhe drejtim mjeti në mënyrë të parregullt për të cilën kodi parashikon nga 10 ditë deri në 3 vite burg, por nuk përjashtohen rastet kur dënimi zëvëndësohet me pagimin e një shume të hollash.

Krahas veprave penale, Ajas Sulejmani u ndëshkua me masë administrative në vlerën 105 mijë Lekë, pezullim leje drejtimi për 24 muaj si dhe heqje të 15 pikëve nga patenta.

Menjëherë pas këtij aksidenti, Policia Rrugore intesifikoi kontrollet për shoferët që lëvizin në mënyrë të parregullt. Si rezultat 16 shoferë u arrestuan, ndërsa u pezulluan 79 leje drejtimit, njofton tvklan.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat