Balla: Fakti që ke dy ish ministra nën akuzë tregon se drejtësia po sulmon

Shqipëria

Balla: Fakti që ke dy ish ministra nën akuzë tregon se drejtësia po sulmon

Më: 9 maj 2022 Në ora: 22:37
Taulant Balla

Kreu i Grupit Parlamentar të Partisë Socialiste, Taulant Balla i ftuar këtë të hënë në emisionin “Top Story” tha çuarja para drejtësisë e personave të korrupsiar tregon se institucionet kanë përparuar dhe nuk janë aty ku kanë qenë.

Ai mori si shembull dy ish ministrat e akuzuar shqiptarë, Lefter Koka dhe Saimir Tahiri.

“Fakti që ke dy ish ministra të dy nën akuzë në burg tregon se koha në këtë vend… Drejtësia po sulmon. Këtë gjënë duhet ta themi…padrejtësitë e 30 viteve të fillojnë të zbardhen, në Shqipëri duhen hetuar, do të pres që nga ana e prokurorisë”, tha ai.

Prokuroria e  Posaçme Kundër Korrupsionit dhe Krimit të organizuar mori kritika të forta nga kryeministri Edi Rama gjatë Asamblesë së PS-së, për performancën e deritanishme gati tre-vjeçare, duke edhe nxitur debat.

Më pas në një dalje për mediat, deputeti Belind Këlliçi tha se ka informacione të besueshme se Rama është i përfshirë në hetime ndërkombëtare dhe përmes shantazhit i kërkon Prokurorisë të tërhiqet nga çështje që e prekin drejtpërdrejt dhe njerëz shumë të afërt të kryeministrit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat