Tragjedia që nuk kursen, dy djem vdiqën sot në Vlorë në moshë fare të re

Shqipëria

Tragjedia që nuk kursen, dy djem vdiqën sot në Vlorë në moshë fare të re

Më: 16 maj 2022 Në ora: 14:12
Foto nga vendi i ngjarjes

Armando Beu dhe Klajdi Kaja nuk do të shkojnë më nesër nga Kavaja dhe Lushnja për në Vlorë për të punuar. Fatkeqësisht sot ishte dita e fundit e jetës për ta. Ata u shuan në një aksident tragjik që ndodhi në Vlorë, në bypasin Orikum-Kaninë.

Beu 32 vjeç nga Kavaja dhe Kaja, 28 vjeç nga Lushnja, humbën jetën sot pasi u rrëzua kamioni ku gjendeshin.

Armandi drejtonte kamionin kurse Klajdi ndodhej bashkë me të në çastet fatale.

Policia tha se dy djemtë punonin në kantierin e ndërtimit për bypasin Orikum-Kaninë.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat