Të dehur dhe pa leje drejtimi/ Arrestohen gjashtë shoferë, u pezullohet patenta 88 të tjerëve

Shqipëria

Të dehur dhe pa leje drejtimi/ Arrestohen gjashtë shoferë, u pezullohet patenta 88 të tjerëve

Më: 30 qershor 2022 Në ora: 16:25
Foto ilustrim

Gjashtë drejtues mjetesh janë vënë në pranga këtë të enjte, pasi janë kapur duke në gjendje të dehur në timon ose pa lejen e drejtimit.

Policia njofton se janë pezulluar 88 leje drejtimi, për shpejtësi që varionin deri 180 km/h.

Po ashtu janë vënë në pranga 6 drejtues mjetesh, për drejtim të mjetit, në gjendje të dehur dhe/ose pa leje drejtimi.

Gjithashtu, si rezultat i evidentimit nga pajisjet inteligjente, u ndëshkuan:

٠653 drejtues mjetesh, për parakalime të gabuara;

٠214 drejtues mjetesh, për përdorim të aparatit celular gjatë drejtimit të mjeteve;

٠161 drejtues mjetesh për mosvendosje të rripit të sigurimit;

٠108 drejtues motomjetesh, për mosvendosje të kaskës mbrojtëse;

٠118 drejtues automjetesh, nga Policia Rrugore e Tiranës, për mosrespektim të korsisë së lëvizjes;

٠104 drejtues automjetesh, po nga Policia Rrugore e Tiranës, për mosdhënie përparësi, këmbësorëve, si dhe

٠8 drejtues automjetesh, për gara shpejtësie, të cilët janë ndëshkuar me masën administrative maksimale, të parashikuar nga Kodi Rrugor.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat