Shembja e kalçetos në Sarandë, ja kush është i riu që ndërroi jetë gjatë stuhisë

Shqipëria

Shembja e kalçetos në Sarandë, ja kush është i riu që ndërroi jetë gjatë stuhisë

Më: 4 korrik 2022 Në ora: 23:30
Armando Kazma

Personi që shihni në foton e mëposhtme është 22-vjeçari nga Saranda, Armando Kazma, i cili ndërroi jetë tragjikisht mbrëmjen e sotme teksa po luante kalçeto.

22-vjeçari u plagos për shkak të goditjes nga mbajtëset e mbulesës së kalçetos të cilat fluturuan në ajër për shkak të një stuhie të fortë. Ai u transportua në spitalin e qytetin, por fatkeqësisht nuk mundi t’i mbijetonte plagëve të marra.

Ngjarja u regjistrua rreth orës 20:50 në zonën e quajtur “Ura e Gajdarit”. Moti i keq në qytetin e Sarandës, shkaktoi problematika të shumta, ku si pasojë e erës së fortë dhe reshjeve, u shkaktuan përmbytje, u shkulën pemë si dhe pati depozita që kanë rënë nga tarracat e pallateve.

Sarandë/Informacion shtesë

Në vijim të informacionit paraprak për rrëzimin e tendës së një kalçetoje sportive, ku si pasojë u dëmtua shtetasi A. K., 22 vjeç, ju informojmë se si pasojë e dëmtimeve të marra, ky shtetas ndërroi jetë në spital.

Grupi hetimor vijon punën për zbardhjen e plotë të rrethanave të ngjarjes.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat