Kryeministri Edi Rama ka treguar një histori që lidhjet me ardhjen e një VIP-i në Tiranë për të treguar se sipas perceptimi i Shqipërisë në botë nuk ka asnjë lidhje me realitetin.
Gjatë fjalës së tij me përfaqësuesit e biznesit në Holandë Kryeministri Rama tha se personazhi VIP nuk donte të vinte në Tiranë, sepse ndihej i pasigurt.
“Dua të tregoj një histori interesante me një person të rëndësishëm nga Holanda, i cili erdhi në Tiranë. Nuk do ta përmend se kush është se duhet ta njihni.
Një holandez VIP që erdhi në Tiranë, nuk do e përmend se kush është. Dhe mora një mesazh nga Drejtori i zonës VIP nga aeroporti. Të lutem më merr urgjentisht. Thash mos ka një zjarr apo bombë, apo zjarr katastrofik. Se pse më duhej që të merrja urgjent aeroportin. Ajo më thotë se jemi në një situatë unike. Kemi një VIP me dhjetëra njerëz që nuk duan të hyjnë në Tiranë. Ka ardhur por nuk do që të vijë aty. Po nuk do të vij se nuk ndihet i sigurtë. Po kërkon automjete të blinduara dhe mjete të armatosura. Më pas më thotë se kush ishte ky person. I thash se mund të marrë gardën e Republikës. Ai kërkonte armë të rënda. Pas 45 minutash mora një mesazh që personi në fjalë kishte mbërritur. Ai erdhi dhe më thotë ju detyrohem një ndjesë të thellë, sepse jam njeri që udhëtoj por nuk më ka ndodhur kurrë që të bie në një grackë kaq të madhe me atë që prisja dhe atë që gjeta. Më ka ndodhur në një grackë të madhe midis asaj që prisja dhe asaj që pashë, më tha. I thashë nuk je i vetmi, të gjithë biem në këtë gracke midis perceptimit të krijuar nga lajmet. Deri ma tani nuk kam parë asnjë grua të mbuluar edhe pse është vend europian. I thashë se është tërësisht një vend europian”, tha Rama.
