Tre turistë çekë shpëtohen nga mbytja në Dhërmi

Shqipëria

Tre turistë çekë shpëtohen nga mbytja në Dhërmi

Më: 6 korrik 2022 Në ora: 21:39
Tre turistë çekë

Policia Kufitare në Dhërmi u ka ardhur në ndihmë tre turistëve të huaj, të cilëve iu rrezikua jeta si pasojë e dallgëve të detit.

Sipas policisë, tre turistë të huaj, të cilët ishin duke lundruar në det me një mjet lundrues kayak, po rrezikoheshin dhe e kishin të pamundur të ktheheshin në breg, për shkak të rrymave të forta dhe dallgëve të detit.

Pas 1 orë kërkimesh, falë bashkëpunimit të punonjësve të policisë kufitare me dy mjete lundruese private, 1 jetski dhe 1 gomone, është bërë e mundur konstatimi i mjetit lundrues “Kayak” dhe shpëtimi i sigurt i personave.

Tre turistët e huaj çekë (dy bashkëshortët dhe vajza e tyre) janë në gjendje të mirë shëndetësore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat