4-vjeçari pësoi arrest kardiak pasi ra në kontakt me energjinë elektrike në Sarandë/ Flet mjeku që e riktheu në jetë

Shqipëria

4-vjeçari pësoi arrest kardiak pasi ra në kontakt me energjinë elektrike në Sarandë/ Flet mjeku që e riktheu në jetë

Më: 12 gusht 2022 Në ora: 20:14
Foto ilustrim

Mbrëmjen e së mërkurës një fëmijë vetëm 4-vjeç ra në kontakt me energjinë elektrike teksa lozte në lagjen nr 1 të qytetit të Sarandës.

Prindërit e kanë dërguar në spital në gjendje shumë të rëndë, por mjekët Besnik Shabanaj dhe Mejborna Gjata kanë mundur ta mbajnë në jetë.

“Fëmija ka ardhur në spital në limitet e jetës, pa puls, me frymëmarrje të dobët. Sapo erdhi në pavion filloi raminimi kardio-polmonar dhe e vendosëm në oksigjen. Shyqyr që gjërat i kemi të gjitha këtu falë ndërhyrjes së shpejte arritëm të kthejmë në funksion zemrën dhe mushkëritë. Faza e dytë ishte ajo e zgjimit që zgjati gati një orë dhe pas kësaj fëmijë na reagoi duke hapur sytë, bëri konvulsione, gjë qe e prisnim.  pasi mjekuam dhe konvulsionet fëmija pas 4 orësh kërkoi nënën e babanë dhe ishte diçka shumë e bukur”, tha Besnik Shabanaj mjek anestezist.

Për misionin e vështirë të kolegëve, flet dhe shefja e pediatrisë në Sarandë.

“Rreth orës 19:30  është paraqitur një rast i rëndë, pas një kontakti me rrymën elektrike. Ka ardhur pa puls me urinim të pa pavullnetshëm. Mjekët e kanë rikthyer në jetë, po kështu spitalit tonë nuk i mungon asnjë mjet për të shpëtuar jetën e fëmijës”, tha Eranda Andoni, pediatre.

Tashmë 4-vjeçari e ka kaluar rrezikun për jetën falë angazhimit maksimal të mjekëve të Sarandës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat