Mbyllen disa burgje, të parët ai i Tropojës dhe Sarandës/ Të burgosurit transferohen në Reç të Shkodrës dhe në Vlorë!

Shqipëria

Mbyllen disa burgje, të parët ai i Tropojës dhe Sarandës/ Të burgosurit transferohen në Reç të Shkodrës dhe në Vlorë!

Më: 14 gusht 2022 Në ora: 11:47
Foto ilustrim

Reforma në burgje ka nisur të zbatohet me mbylljen e dy burgjeve të parë në vend. Sikurse njofton Report Tv, mbyllja ka nisur me burgun e Tropojës ku 13 të dënuarit që ndodheshin atje janë transferuar në Reç të Shkodrës.

Ndërsa burgu i dytë që është mbyllur është ai i Sarandës ku 15 të burgosurit që ndodheshin në Sarandë janë transferuar në Vlorë.

Transferimi i të burgosurve është bërë nga policia e burgjeve dhe ajo e rendit dhe ka përfunduar pa asnjë incident ndërsa në fillim javë do të transferohen edhe të paraburgosurit ku të Tropojës kalojnë në Kukës dhe të Sarandës në Bënçë të Tepelenës.

Dy burgjet e tjera që do të mbyllen përfundimisht janë i Vaqarrit dhe burgu i Zaharisë në Krujë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat