Tenderi i mushkonjave dështoi! Virusi i etheve të Nilit i afrohet Shqipërisë

Shqipëria

Tenderi i mushkonjave dështoi! Virusi i etheve të Nilit i afrohet Shqipërisë

Më: 15 gusht 2022 Në ora: 15:59
Foto ilustrim

Ethet e Nilit perëndimor shumë pranë Shqipërisë. Mushkonjat të cilat përhapin virusin vdekjeprurës  qarkullojnë me shumicë në vendin tonë. Këtë vit nuk është bërë dezinsektimi i tyre pasi dështoi tenderi.

Ndërkohë Italia fqinje është alarmuar për shkak të përhapjes së etheve të Nilit, ku deri më tani janë prekur afro 100 persona dhe pothuajse gjysma e tyre janë në gjendje të rënde, 5 kanë humbur jetën deri më tani.

Virusi i Nilit Perëndimor transmetohet përmes pickimit të mushkonjave dhe zogjve shtegtare. Sa më i madh numri i infeksioneve dhe i mushkonjave në mjedis, aq më e madhe është mundësia e kontaktit me sëmundjen.Virusi i etheve të Nilit shkakton dhimbje të muskujve, temperaturë të lartë shkakton encefalit dhe meningjit deri dhe humbje jete. Ne Shqipëri nuk është identifikuar ende asnjë rast edhe pse në laboratorin e ISHP thonë se janë gatishmëri askush nuk mban përgjegjësi për dezinsektimin e mushkonjave që nuk është bërë.

Burime të Top Channel në ISHP thonë se procedurat për zhvillimin e tenderit për dezinsektimin e mushkonajve kanë nisur që në muajin shkurt të këtij viti pranë Agjensisë së blerjeve të përqendruara pranë Ministrisë së Brendshme me qëllim që në muajin prill të fillonte procesi i dezinsektimit, atëherë kur mushkonjat janë ende larva. Bëhej fjalë për një fond prej 790 milion lekësh. Por për shkak të ankimimeve të bëra nga operatorët  të përfshire, ky tender që prej 7 muajsh nuk është finalizuar .

Ethet e Nilit, formë e lehtë

temperaturë e moderuar,

ulje të oreksit

të përziera,

dhembje koke,

dhembje sysh,

dhembje shpine,

dhembje muskujsh,

kollë

puçrra,

diarre

nyje imfatike të zmadhuara,.

Ethet e Nilit  tek format e rënda

temperaturë e lartë,

encefalit

meningjit

dhembje të forta të kokës,

dobësi dhe paralizë të lehtë,

simptoma gastrointestinale,

konvulsione

puçrra në kurriz, qafë, krahë dhe këmbë,

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat