Zbardhet aksidenti i rëndë në Tiranë/ 29-vjeçarja përplasi tre të rritur dhe një bebe me karrocë, nuk po përdore celular

Shqipëria

Zbardhet aksidenti i rëndë në Tiranë/ 29-vjeçarja përplasi tre të rritur dhe një bebe me karrocë, nuk po përdore celular

Më: 18 gusht 2022 Në ora: 13:13
Foto nga aksidenti

Të tjera detaje janë zbardhur nga aksidenti i rëndë i ndodhur tre ditë më parë në zonën e njohur si Kodra e Diellit në Tiranë,  ku një 29-vjeçare humbi kontrollin e mjetit e si pasojë përplasi disa persona.

Në dosjen hetimore të siguruar nga Anila Hoxha, është zbardhur sesi Elinta Garo, 29-vjeçarja me profesion farmaciste, duke qarkulluar me mjetin e saj tip “Peugeot”, ka përplasur 60-vjeçarin Begzan Hyseni që ndërroi jetë në spital, bashkëshorten e tij Vlentina Hysenin dhe 27-vjeçaren Alkuna Telhaj.

Po ashtu, nga humbja e kontrollit 29-vjeçarja ka përplasur edhe një 2-vjeçar me inciale R.M., që ndodhej në karrocë teksa shoqërohej nga nëna e tij. Fëmija ka marrë dëmtime të lehta në ballë.  Nëna e fëmijës me iniciale G.M., ka treguar se sapo pa që mjeti ka përplasur disa persona është munduar të shtangej, dhe fëmija u lëndua.

Valentina Hysi që mbeti e lënduar, në dëshminë e saj ka thënë se mban mend vetëm që mjeti erdhi në drejtim të tyre dhe i përplasi në rrugën Muharem Butka.

Nga kontrolli i celularit të vajzës që shkaktoi aksidentin, nuk është gjetur asnjë provë që ajo të ketë qenë duke përdorur atë në momentin e aksidentit, por vetëm pak sekonda më pas kur ka telefonuar të vëllanë e saj për ta informuar.

Në këto rrethana, prokuroria e cilëson si të ligjshëm  arrestimin e 29-vjeçares e cila është sot në gjykatë për akuzat që rëndojnë mbi të dhe rrezikon dënim me burgim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat