Pamje/ Si u zbulua municioni luftarak në Tiranë, momenti kur policia hedh në tokë murin brenda garazhit

Shqipëria

Pamje/ Si u zbulua municioni luftarak në Tiranë, momenti kur policia hedh në tokë murin brenda garazhit

Më: 18 gusht 2022 Në ora: 22:42
Foto ilustrim

Policia ka publikuar pamjet e operacionit për sekuestrimin e arsenalit të armëve në Kodër Mëzez.

Armët ishin fshehur në një garazh në një ndërtesë në ndërtim e sipër. Gjatë operacionit policia ka rrëzuar në tokë murin e garazhit poshtë shkallëve ku babë e bir kishin fshehur armë dhe sende të tjera.

Pas operacionit policia ka vënë në pranga një 60-vjeçar ndërkohë që është shpallur në kërkim djali i tij, E. Ç., 35 vjeç.

Tashmë ka nisur puna për kapjen e tij ndërsa policia ka dyshime se në skemë janë përfshirë edhe persona të tjerë. Materialet i kaluan Prokurorisë, për veprime të mëtejshme procedurale.

Çfarë sekuestroi policia

1 automatik,
1 snajper me dylbi,
2 mitralozë,
2 silenciatorë,
2 granata hedhesë të lehta kundratank,
9 granata të tjera të llojeve të ndryshme,
sasi e konsiderueshme municioni luftarak,
3 automjete, njëri prej tyre i blinduar,
3 motomjete pa targa,
1 mjet lundrues “Jet ski”,
4 palë targa automjetesh shqiptare dhe të huaja,
2 fenelina policie dhe 1 paruke.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat