Kriza energjetike në Shqipëri, Meta: Qytetarët janë faturuar edhe kur nuk kanë qenë në banesa prej muajsh

Shqipëria

Kriza energjetike në Shqipëri, Meta: Qytetarët janë faturuar edhe kur nuk kanë qenë në banesa prej muajsh

Më: 28 shtator 2022 Në ora: 14:26
Ilir Meta

Kreu i Partisë së Lirisë, Ilir Meta ka dalë në një koneferncë për mediat, ku ka ngritur shqetësim për krizën energjetike që ka prekur vendin dhe abuzimet në faturat e energjisë.

Meta tha se ka pasur qytetarë që janë mbifaturuar, ndërsa si faktor të krizës rreshtoi dëmtimin e qeverisë në këtë sektor.

“Kanë nisur denoncimet e mjaft qytetarëve që janë mbifaturuar ose të cilëve u është faturuar në sahatët e tyre energji ndërkohë që nuk kanë qenë fare në banesat e tyre, por kanë qenë jashtë shtetit gjatë muajve të fundit”.

Dua të theksoj se kjo situatë e pajustifikuar e rritjes së çmimit të energjisë në theeml ka dështimet e qeverisë dhe kryeministrit aktual i cili pas 10 vjetësh kërkon të shpëtojë te të gjithë krizat që ndodhin në botë, ndërkohë që kriza këtu thellohet. Faktorët e kësaj krize energjetike janë dështimet dhe premtimet e pambajtura të qeverisë në këtë sektor. Situata është dramatike, as 0.1% nuk kemi të energjisë të rinovueshme”, tha Meta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat