Balla pas takimit me ambasadorët e BE: Roli i Kuvendit në procesin e integrimit europian është udhëheqës dhe kyç

Shqipëria

Balla pas takimit me ambasadorët e BE: Roli i Kuvendit në procesin e integrimit europian është udhëheqës dhe kyç

Më: 28 shtator 2022 Në ora: 14:49
Foto nga vendi i ngjarjes

Kryetari Grupit Parlamentar të Partisë Socialiste Taulant Balla pas një takimi me ambasadorët e vendeve të Bashkimit Europian është shprehur se roli i Kuvendit të Shqipërisë në procesin e Integrimit Europian është shumë i rëndësishëm në përafrimin e legjislacionit me acquis communautaire dhe monitorimin e zbatimit të tij.

“Procesi i negociatave për marrëveshjen e anëtarësimit kërkon ngritjen në një nivel të ri të rolit të Kuvendit në këtë proces historik, duke synuar përmirësim të dukshëm të kapaciteteve dhe ekspertizës profesionale në ligj-bërje, fuqizimin e mekanizmave monitorues, marrjen e eksperiencave nga parlamentet e vendeve anëtare, etj”, është shprehur Balla.

Gjithashtu Balla thekson se në këtë proces të rëndësishëm kërkohet një reformë e thellë edhe për përfshirjen e qytetarëve në procesin legjislativ në tërësi dhe njohjen me procesin e negociatave me BE -në dhe legjislacionin përkatës.

Postimi i plotë i Taulant Ballës:

Roli i Kuvendit të Shqipërisë në procesin e integrimit europian është udhëheqës dhe kyç në përafrimin e legjislacionit me acquis communautaire dhe monitorimin e zbatimit të tij. Procesi i negocijatave për marrëveshjen e anëtarësimit kërkon ngritjen në një nivel të ri të rolit të Kuvendit në këtë proces historik, duke synuar përmirësim të dukshëm të kapaciteteve dhe ekspertizës profesionale në ligj-bërje, fuqizimin e mekanizmave monitorues, marrjen e eksperiencave nga parlamentet e vendeve anëtare, etj., zhvilluam një takim informues me disa prej ambasadorëve të vendeve të BE. Duhet të ndërmarrim në Kuvendin e Shqipërisë, domosdoshmërisht me qasje bipartizane, një reformë të thellë për përfshirjen e qytetarëve në procesin legjislativ në tërësi dhe njohjen me procesin e negocijatave me BE dhe legjislacionin përkatës në veçanti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat