Genta Sula: Si u zhdukën “dosjet e nxehta” të ish-Sigurimit të Shtetit

Shqipëria

Genta Sula: Si u zhdukën “dosjet e nxehta” të ish-Sigurimit të Shtetit

Më: 29 shtator 2022 Në ora: 22:13
Foto ilustrim

Genta Sula, drejtore e Autoritetit të Dosjeve tha se një ndër shqetësimet kryesore të publikut është pikërisht sa dosje mungojnë.

“Unë them se ajo që dihet është që janë bërë asgjësime gjatë gjithë kohës, si në çdo arkiv, jo çdo gjë mbahet. Janë mbajtur arkiva për dy qëllime, së pari për rëndësi historike, e dyta për rëndësi operative”, u shpreh Sula, për Euronews Albania.

Ajo tha se janë asgjësuar gjatë ndërrimit të sistemeve dosjet e atyre personave që i përkisnin krimeve politike dhe nuk u quajtën më krime politike.

Megjithatë, Sula bëri me dije se ka 2.2 kilometra materiale që mundësojnë realizimin e ligjit, pra njerëzit informohen për çfarë ka dhe çfarë jo.

Sipas saj, informacionet në dispozicion tregojnë dhe mënyrën se si ka funksionuar Sigurimi i Shtetit.

Ajo thotë se një numër i madh personalitetesh që kanë qenë ish-bashkëpunëtorë të Sigurimit vijojnë punën edhe sot.

Sula tregoi se çështjet e përballjen me të shkuarën ngrihen në momente të caktuara siç ndodhi së fundmi, kur siç tha u kuptua se dekomunistizimi ishte i pamjaftueshëm.

Ajo u shpreh se shifra e fundit e raportuar nga institucioni që ajo drejton është 78 ish-bashkëpunëtorë të sigurimit që ende vijojnë detyrën, pasi siç shpjegoi Autoriteti vetëm jep informacione institucioneve dhe ato vendosin çfarë të bëjnë me punonjësit e tyre.

“Ka institucione si shërbimi i jashtëm p.sh që nuk lejojnë ish-bashkëpunëtorë të Sigurimit, edhe në institucionet e Ministrisë së Drejtësisë është bërë lustracioni”, tha Sula.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat