Polici shqiptar më në fund fiton lotarinë amerikane “Green Card” pasi aplikoi 30 vjet rresht

Shqipëria

Polici shqiptar më në fund fiton lotarinë amerikane “Green Card” pasi aplikoi 30 vjet rresht

Më: 5 tetor 2022 Në ora: 20:37
“Green Card”

Pas 30 vitesh në shërbim të vendit, Ylli Salaj, do të largohet drejt Amerikës.

“Kokën e kam pas se kam kontribuar vite në vendin tim dhe në këtë moshë të emigrosh është e pak e vështirë por jam optimist”, tha Salaj.

Emaili ku konfirmohej lotaria amerikane i gëzoi të gjithë. Një ëndërr e plotësuar dhe e kërkuar prej 30 vitesh.

“Që kur është hapur deri më sot kam aplikuar”, u shpreh Ylli Salaj

“Burri, 30 vjet e ka aplikuar, ndihem shumë në siklet që po lë vendin tim mbrapa, por detyrohemi të largohemi kur mendojmë për sakrificën e fëmijëve”, tha bashkëshortja e Yllit.

Ai do të emigrojë së bashku me bashkëshorten. Këto janë ditët e fundit në Shqipëri. Megjithatë është optimist për të realizuar ëndrrën amerikane

“Kam nostalgji të madhe, është një nga vendet që mua më bën të ikë me kokën mbrapa. Nuk ka vend si Shqipëria”, tha Salaj.

Largimi thotë qenka akoma dhe më i vështirë sesa gjithë këto vite pritje. Por është një sakrificë që duhet bërë.

“Jam përgatitur fizikisht moralisht, që të vete të punojë. Nuk do ikja në vend tjetër përveç Amerikës. Në Amerikë sundon ligji.”

Që nga ora 12 e ditës së sotme, janë hapur aplikimet për lotarinë amerikane. Ato do të zgjasin deri më 8 nëntor.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat