Data e zgjedhjeve në Shqipëri, presidenti Begaj mbyll konsultat me partitë

Shqipëria

Data e zgjedhjeve në Shqipëri, presidenti Begaj mbyll konsultat me partitë

Më: 6 tetor 2022 Në ora: 18:31
Bajram Begaj

Kryetari i grupit parlamentar të PS-së, Taulant Balla, pas konsultimit të zhvilluar në presidencë me kreun e shtetit Bajram Begaj, ka deklaruar se Partia Socialiste nuk ka ndonjë preferencë për një datë se kur do të mbahen zgjedhjet për pushtetin lokal në Shqipëri.

“Partia Socialiste e Shqipërisë është gjithmonë e gatshme të marrë pjesë në zgjedhje dhe natyrshëm edhe t’i fitojë ato në secilën prej datave që do të dekretonte presidenti i Republikës”, është shprehur ai.

Caktimi i datës së zgjedhjeve duket se do të ndikohet dhe nga punimet për reformën territoriale, për të cilën Balla u shpreh se politika duhet të dëgjojë ekspertët, shkruan KlanTV.

“Kërkesa ime edhe për kolegët e opozitës që insistojnë në propozimet është që në demokraci asnjë prej palëve nuk mund të imponohet”, shtoi ai.

Për dy ditë me radhë presidenti Bajram Begaj, zhvilloi konsultime me përfaqësuesit e të gjithë spektrit politik me qëllim marrjen e propozimeve për caktimin e datës zgjedhjeve vendore që pritet të mbahen vitin e ardhshëm.

16 prill është data e parë dhe 14 maji i vitit 2023 është data e fundit si hapësirë ligjore që kreu i shtetit të caktojë me dekret ditën se kur shqiptarët do të zgjedhin kryetarët e ri të bashkive.

Gjatë konsultime me partitë, aleatët e Partisë Demokratike kanë hedhur si tezë që këto votime të mbahen më 14 maj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat