Ambasadori i Britanisë uron në shqip: Gëzuar Ditën e Pavarësisë dhe Ditën e Çlirimit!

Shqipëria

Ambasadori i Britanisë uron në shqip: Gëzuar Ditën e Pavarësisë dhe Ditën e Çlirimit!

Më: 28 nëntor 2022 Në ora: 12:35
Alastair King Smith

Ambasadori i Britanisë së Madhe në Shqipëri, Alastair King Smith ka shpërndarë sot një urim të veçantë për 110-vjetorin e Pavarësisë.

Në një video-mesazh në Twitter, diplomati britanik krahas urimit shkruan se ky vit ka qenë i veçantë për Shqipërinë dhe Mbretërinë e Bashkuar ndërsa festojmë 100-vjetorin e marrëdhënieve, por edhe për të personalisht.

Diplomati shkruan se këto marrëdhënie duhet të vazhdojnë të forta edhe në të ardhmen.

“Më lejoni të uroj sot gëzuar Pavarësinë dhe Ditën e Çlirimit për të gjithë shqiptarët që ndodhen në Shqipëri, në Mbretërinë e Bashkuar apo në të gjithë botën. Ky ka qenë një vit shumë i veçantë për ne dhe për mua personalisht. Gjatë gjithë këtij viti, kam pasur mundësinë të zbuloj këtë vend të mrekullueshëm dhe të shoh pasuritë dhe shumëllojshmërinë që ai ofron”, tha Amasadori.

“Ka qenë gjithashtu një vit i veçantë për Shqipërinë dhe Mbretërinë e Bashkuar ndërsa festojmë 100 vjetorin e marrëdhënieve tona. Duam që këto marrëdhënie të vazhdojnë të forta në të ardhmen,” shton Ambasadori.

“Prandaj sot dua t’u them të gjithë shqiptarëve: Gëzuar Ditën e Pavarësisë dhe Ditën e Çlirimit”, thotë në shqip urimin në fund King Smith në Twitter.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat