Meta në një linjë me Berishën: Protesta e 6 dhjetorit, manifestim pro-europian

Shqipëria

Meta në një linjë me Berishën: Protesta e 6 dhjetorit, manifestim pro-europian

Më: 29 nëntor 2022 Në ora: 12:22
Ilir Meta

Kreu i Partisë së Lirisë Ilir Meta ashtu si Sali Berisha e ka cilësuar si një manifestim pro europian protestën e thirrur më dhjetor.

Më herët Sali Berisha tha se me anë të kësaj proteste do të mirëpres liderët e BE, të cilët vijnë në Tiranë në kuadër të samitit BE-Ballkani Perëndimor.

Meta ishte për homazhe tek ‘Varrezat e Dëshmorëve’, ku ka folur edhe për protestën e 6 dhjetorit.

Meta ka theksuar se PL “e ka bërë të qartë që dhjetori është muaji i demokracisë, i Europës.”

Pjesë nga intervista:

Një vend ku askush të mos e frenojë më aspiratën për tu anëtarësuar në BE si ka ndodhur vitet e fundit. I jemi mirënjohës BE që pavarësisht vullnetit të qeverisë, mori një vendim edhe për shkak të zhvillimeve më të fundit në kontinent duke vendosur në plan të parë përshpejtimin e integrimit europian të Ballkanit Perëndimor. Kjo kërkon energji të brendshme për të përshpejtuar reformat që e bëjnë Shqipërinë të jetë shembull në rajon, për të drejtat e qytetarëve të saj. Siguria në Shqipëri është në kërcënimin e mafies në pushtet. Nuk është njoftuar protestë ndaj kryetarit të bashkisë, bileta e tij pa kthim në 14 maj. Është njoftuar një manifestim pro-europian që gjithë Shqipëria dëshiron të japë mesazh mirënjohjeje dhe për të nxitur Shqipërinë të ecë ne rrugën e integrimin europian dhe procesit të Berlinit. Në Shqipëri nuk ka dhe nuk duhet të ketë asgjë më të rëndësishme se Kushtetuta.

Përse i keni shmangur thirrjet për t’i ftuar qytetarët në protestë?

Meta: E kemi bërë të qartë që dhjetori është muaji i demokracisë, i Europës.

Ju nuk i keni bërë thirrje

Meta: Ndoshta nuk keni qenë te selia e PD, sot ju falënderoj që do ta transmetoni këtë thirrje pro-europian që synon t’i japë fund kapjes së shtetit. Dhe për ti dhënë fund një kërcënimi që i vjen BE dhe Britanisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat