Tirana i rikthehet normalitetit pas shirave të rrëmbyeshëm, punonjësit e Bashkisë në terren

Shqipëria

Tirana i rikthehet normalitetit pas shirave të rrëmbyeshëm, punonjësit e Bashkisë në terren

Më: 26 maj 2023 Në ora: 19:23
Foto nga vendi i ngjarjes

Në të gjitha rrugët e kryeqytetit është rikthyer normaliteti, pas reshjeve të rrëmbyeshme që ranë me sasi të mëdha brenda një kohe të shkurtër.

Edhe pse reshjet ishin tepër intensive, kanalizimet kulluan brenda një kohe të shkurtër sasinë e madhe te ujit, ndërsa lëvizja e këmbësorëve dhe e mjeteve vijon aktualisht pa probleme.

Sikurse mund ta shihni dhe nga fotot, pranë çdo kryqëzimi në kryeqytet kanë qenë edhe punonjësit e Bashkisë së Tiranës, të cilët kanë punuar për normalizimin e situatës.

Kryebashkiaku Erion Veliaj ka falenderuar të gjithë ekipet e emergjencës të cilët punuan për rikthimin në normalitet të rrugëve në kryeqytet.

Mirënjohje ekipeve të emergjencave të Qytetit të Tiranës, për rikthimin në normalitet të akseve të Tiranës pas rrebeshit të sotëm! Në punë minutash i kthehemi plotësisht rutinës së qytetit”, shkruan Veliaj.

commentFirst article
Sot mund të lexoni Shfletoni kopertinat