Heqja e lapidarit, PDIU:Serbia,s`ka hequr dorë nga “doktrina millosheviçiane” - Bota Sot
Heqja e lapidarit, PDIU:Serbia,s`ka hequr dorë nga “doktrina millosheviçiane”

Shqipëria

Heqja e lapidarit, PDIU:Serbia,s`ka hequr dorë nga “doktrina millosheviçiane”

Më: 20 janar 2013 Në ora: 10:41

Partia Drejtësi, Integrim dhe Untetet dhe Klubi i Patriotëve të Rinj dënojnë ashpër heqjen e memorialit të UÇPMB-së nga qendra e Preshevës.
Në një deklaratë për shtyp, PDIU-ja thekson se me këtë veprim Serbia tregoi dhe një herë që nuk ka hequr dorë nga “doktrina millosheviçiane”, e cila në themel të saj ka dhunimin e shqiptarëve.
“Të friksuar nga reagimi i paralajmëruar i shqiptarëve të Luginës së Preshevës por edhe më gjerë, Beogradi dërgoi me qindra forca xhandarmërie, vetëm e vetëm për të hequr një memorial” thuhet në deklaratë
Gjithashtu PDIU dhe KPR i bëjnë thirrje autoriteteve shqiptare që të reagojnë dhe t’i kërkojnë llogari ambasadorit të Serbisë në Tiranë lidhur me këtë veprimi fyes ndaj atyre ushtarëve që dhanë jetën për liri.
“Është e detyrim kushtetues i Shqipërisë për t’u kujdesur për shqiptarët kudo që ndodhen. Edhe një herë PDIU dhe KPR i bëjnë thirrje Serbisë të shkëputet nga fantazma e Millosheviçit dhe të heqin dorë nga sulmet dhe provokimet ndaj shqiptarëve të Luginës së Preshevës” thuhet më tej në deklaratë.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...