Kryeministri Edi Rama tha sot se zgjedhjet e 11 majit janë mundësia e fundit e qyetarëve për t’i dhënë fund kënetës. Rama i bëri këto deklarata për zgjedhjet dhe opozitën nga takimi që po zhvillon këtë pasdite në Lezhë.
Në fjalën e tij, Rama tha se në 12 maj do të numërohen votat e 11 majit që duhet të jenë plot me vullnetin e popullit përtej të majtës dhe të djathtës.
Rama deklaroi se e vetmja mënyrë që opozita të vijë në pushtet është nëse ndryshon.
Rama tha se duke votuar në këto zgjedhje, shqiptarët shprehin vendimin e tyre për 2 çëshjte: integrimin europian dhe opozitën.
“Në datë 12 maj ne do të numërojmë votat.
Më 11 maj kutitë duhet të jenë plot me vullnetin e popullit përtej të majtës dhe të djathtës.
Nuk ka më lojëra me kënetën dhe moçalin.
Kjo është mundësia edhe për qytetarët e magjepsur nga këneta.
Nëse nuk thahet këneta, ata nuk vijnë dot kurrë në pushtet.
Shohni listën që kanë bërë.
Qyetarët kanë mundësinë e artë të bëjnë një rrugë e dy punë: të mos i bien ndesh amanetit kombëtar për Europën, por edhe të braktisin kënetën”,-tha Rama.
