Kryeministri Edi Rama deklaroi sot se drejtësia nuk është më nën kontrollin e politikës. Rama tha se reforma për të hequr kontrollin e politikës ndaj drejtësisë është bërë me vullnet të plotë.
Në fjalën e tij, gjatë takimit më të rinjtë në Lezhë, Rama tha se qeveria ka mbështetur SPAK-un dhe Gjykatën Speciale.
Rama u shpreh me nota vlerësuese ndaj kreut të SPAK-ut, Altin Dumani.
Rama shtoi se është hera e parë në vend që qytetarët shohin dënimin e një deputeti apo ministri.
“Ne nuk kemi më drejtësinë nën kontroll.
Me vullnet të plotë kemi bërë një reformë që kemi hequr kontrollin e politikës.
Kemi mbështetur SPAK-un dhe Gjykatën Speciale.
Altin Dumani nuk lindi këto 3 vjet.
Nuk e sollën as nga Amerika, as nga Europa.
Kishit parë ndonjëherë ndonjë ministër apo deputet që të shkojnë në Prokurori e të japin përgjigje.
Dhe pas kësaj t’i fusin edhe në burg?
Sot është diçka krejt tjetër.
Ne duhet të jemi shumë krenar se për herë të parë po i japim shqiptarëve se mund të bëhet realitet barazia para ligjit”,-tha Rama.
