Shërbimet e Policisë Kufitare në PKK Muriqan, kanë kryer disa kontrolle nga ku kanë ndaluar një automjet me drejtues një 25-vjeçar. Nga kontrolli i kryer dyshohet se 25-vjeçari ishte nën efektin e lëndëve narkotike.
25-vjeçarit gjithashtu i gjetën një sasi lënde të dyshuar narkotike kokainë, dhe si rrjedhojë drejtuesit i mjetit është vënë në pranga.
Lënda narkotike dhe automjeti u sekuestruan në cilësinë e provës materiale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Trafikimi i narkotikëve” dhe “Drejtimi i automjetit në mënyrë të parregullt”.
