Një aksident me pasojë vdekjen është regjistruar mesditën e kësaj të enjteje në Tiranë.
Viktima është Luan Pirdeni, babai i ministres Adea Pirdeni.
Sipas policisë, ngjarja ndodhi në kryqëzimin e rrugës “Bardhyl” me rrugën “Kongresi i Manastirit”.
87-vjeçari po lëvizte me biçikletë kur u përplas nga një motomjet që drejtohej nga shtetasi Sejdi Milla, 31 vjeç.
I moshuari u transportua fillimisht në spitalin e Traumës për ndihmë mjekësore, por nuk arriti t’u mbijetojë plagëve të marra.
Drejtuesi i motomjetit është arrestuar nga specialistët e qarkullimit rrugor, ndërsa grupi hetimor po vijon punën për zbardhjen e plotë të rrethanave të aksidentit.
