Klodiana Spahiu ka reaguar pas propozimit për të marrë drejtimin e Ministrisë së Shëndetësisë dhe Mirëqenies Sociale, duke shprehur mirënjohjen për besimin e dhënë.
Në një postim në rrjetet sociale, Spahiu falënderoi kryeministrin Edi Rama për propozimin, ndërsa u shpreh e gatshme për të çuar përpara angazhimet në këtë detyrë.
Ajo shprehu gjithashtu mirënjohje për Profesore Evis Salën për punën dhe kontributin e saj në drejtimin e ministrisë.
Spahiu falënderoi edhe qytetarët, miqtë dhe të njohurit që i kanë dërguar mesazhe urimi pas lajmit.
“Faleminderit nga zemra!”, shkroi ajo në përmbyllje të reagimit të saj.
