Salianji: Revolta dhe zemërimi i të rinjve, tregon se ky vend ende ka shpresë

Shqipëria

Salianji: Revolta dhe zemërimi i të rinjve, tregon se ky vend ende ka shpresë

Më: 13 tetor 2026 Në ora: 17:56
Ish-deputeti i PD, Ervin Salianji

Ish-deputeti i PD, Ervin Salianji ka reaguar lidhur me situatën pranë Ministrisë së Arsimit pas protestës studentore e cila u shoqërua edhe me përplasje me forcat e rendit. Policia përdori gaz lotsjellës dhe ujë me presion për të shpërndarë të rinjtë.

Salianji shprehet se Shqipëria po shpërfaq sot në shesh mllefin e akumuluar nga keqqeverisja, ndërsa revolta dhe zemërimi i të rinjve tregon se ky vend ende ka shpresë!

Demokrati dënon edhe reagimin e Policisë së Shtetit ndaj të rinjve protestues.

“Reagimi çnjerëzor i regjimit është dëshmi e agonisë politike të Ramës, e humbjes së çdo kufiri moral dhe e kalbëzimit të plotë të qeverisjes së tij”, shpreh ai.

Sot mund të lexoni Shfletoni kopertinat