Zbardhen akuzat që rëndojnë mbi Shullazin, ndalohet edhe kushëriri i tij - Bota Sot
Zbardhen akuzat që rëndojnë mbi Shullazin, ndalohet edhe kushëriri i tij

Shqipëria

Zbardhen akuzat që rëndojnë mbi Shullazin, ndalohet edhe kushëriri i tij

Më: 17 prill 2016 Në ora: 11:40

Një ditë pas shoqërimit në polici të Emiljano Shullazit është arrestuar edhe kushëriri i tij Blerim Shullazi.

Prokuroria e Krimeve të Rënda urdhëroi një ditë më parë ndalimin e Emiljano Shullazit, i dyshuar për “Pjesëmarrje në grupe të strukturuara kriminale”. Ai akuzohet gjithashtu për veprat penale “Shkatërrim prone me eksploziv si dhe "Shtrëngim për dhënie pasurie”.

Shullazi dhe miqtë e tij Gilmando Dani dhe Blerim Shullani kanë kërcënuar disa biznesmenë për dhënie pasurie, si dhe kanë “gjobitur” disa biznese që operojnë në autostradën Tiranë-Durrës. Mësohet se arrestimi i tij ka ardhur pas muajve të tërë vëzhgimi nga uniformat blu.

Dje ish-kryeministri Sali Berisha denoncoi publikisht para mediave se Shullazi kishte kërcënuar dekanin Mynyr Koni, që të hiqte dore nga gara për rektor të Universitetit të Tiranës.

Shullazi është një emër i njohur për policinë, pasi është shoqëruar edhe disa herë të tjera në komisariat. Në janar 2015 ai u shoqërua pasi i shpëtoi një atentati në Qafë Kashar, ndërkohë që më parë është dënuar dy herë, për “Trafik droge” dhe “Armëmbajtje pa leje”.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...