Mbi 13 mijë shqiptarë të konvertuar nga myslimanë në të krishterë

Shqipëria

Mbi 13 mijë shqiptarë të konvertuar nga myslimanë në të krishterë

Më: 14 korrik 2016 Në ora: 14:55
Ilustrim

Shqipëria radhitet mes 4 vendeve të para në Evropë për numrin e të krishterëve me të kaluar myslimane.

Sipas studimit “Besimtarët në Krisht me të kaluar myslimane: Një Census global”, me autorë Duane Alexander Miller nga Universiteti “St. Mary’s” në San Antonio, Texas dhe Patrick Johnstone, nga WEC International Singapore, vendin e parë të konvertimit të fesë e mban Bullgaria me 45 mijë besimtarë, vendin e dytë Mbretëria e Bashkuar me 25 mijë, Gjermania është e treta me 15 mijë dhe Shqipëria e katërta me 13 mijë besimtarë.

Që nga vitet 1960, në Shqipëri ka pasur një rritje domethënëse në numrin e konvertimeve nga feja islame në atë të krishtere. Pjesa më e madhe e këtyre konvertimeve ka qenë në formën e kristianizmit evangjelist apo pentekostal, por ka pasur edhe konvertime në katolik apo ortodoks.

Kërkimet për studimin, sipas autorëve, kanë nisur që në vitin 1960, kur Patrick Johnstone nisi që të mbledhë informacione mbi përmasën dhe natyrën e komuniteteve kristiane në vende të ndryshme të botës. Kjo rezultoi në gjashtë botime të librit “Operacioni Botë”, autor i të cilit është Johnstone.

Sa i përket Kosovës, sipas studimit, besimtarët e konvertuar në kristianizëm, me një të kaluar myslimane, kanë qenë 2000.

Sot mund të lexoni Shfletoni kopertinat