Gjykata e Lartë ka ndryshuar masën e sigurisë për dy nga pesë të arrestuarit për grabitjen spektakolare në Rinas.
Gjykata e Lartë caktoi “detyrim paraqitje” për Arben Karafilin Drejtorin Operacional i kompanisë “ICTS” dhe Fadil Jonuzajn agjentin e kompanisë “ICTS”.
Në burg mbetën vetëm dy persona Bledar Blloshi, agjent i kompanisë “ICTS” dhe Kujtim Picari, shoqërues i vlerave monetare i një banke të nivelit të dytë.
Ndërsa Vangjel Nikolla, kryetar i Degës Teknike të Aeroportit ndodhet në “arrest shtëpie”.
Në 30 qershor 3 persona të maskuar dhe të armatosur arritën që të vidhnin rreth 1 milionë euro të një banke të nivelit të dytë në pistën e Rinasit, teksa po bëheshin gati të transportoheshin në avion me destinacion Italinë.
Më pas policia më 1 korrik të këtij viti pas grabitjes së parave arrestoi këta persona si përgjegjës për grabitjen e parave.
