Ish- kryeministri Sali Berisha publikoi në faqen e tij zyrtare në fb, vendimin e gjykatës së Apelit ndaj deputetit socialist Taulant Balla, e cila e ka dënuar me 1 milion lekë dëmshpërblim ndaj djalit të tij, Shkëlzen Berisha, për shpifje.
“Te dashur miq, ky eshte vendimi Nr.34 i dt 09.06.2015 i formes se prere i Gjykates se Apelit te Tiranes, me te cilin kjo gjykate ka denuar Taulant Ballen per shpifje 1 milione leke. I paftyre siç eshte, ai para kamerave deklaroi sonte ne komision disa here se nuk eshte denuar asnje here?!” shkruan Berisha.
Me këtë argument, Berisha u largua dhe sot nga Komisioni Hetimor për CEZ pa dëshmuar.
Sipas deputetëve të opozitës, Balla nuk mund të drejtojë seancat kur do dëshmojë Berisha, pasi është në konflikt interesi.