Një plagosje me armë zjarri ka ndodhur para pak momentesh pranë Kalit të Trojës në qytetin e Vlorës. Një dëshmitar ka arritur të filmojë skenën vetëm pak momente pas plagosjes ku duket një person i shtrirë në tokë dhe rreth tij shumë persona që përpiqen ta ndihmojnë.
Sipas dëshmitarëve u dëgjua një zhurmë dhe kur kthyen kokën të gjithë njerëzit u shpërndanë. Më pas u dëgjuan shokët e personit të cilët bërtisnin në panik për ndonjë makinë që ta merrte por askush nuk ndalonte. Raportohet se në momentin që mbërriti policia i plagosuri qe nisur tashmë në spital me makina të rastit.
Mësohet se emri i personit të plagosur është Arlind Lulushi, 25 vjeç dhe se momentalisht ndodhet në spital në rrezik për jetën.