Policia e Shtetit prej disa ditësh ka nisur një operacion të gjerë me forca të shumta policia në të gjithë vendin për parandalimin e kultivimit të bimëve narkotike.
Mësohet se aksioni po zhvillohet nga toka dhe ajri, ku janë rreth 4200 punonjës policie që ndodhet në terren.
Po ashtu, siç bëhet e ditur në operacion janë të përfshira strukturat e Policive Vendore e të Krimit të Organizuar.
Ndërsa, FNSH është angazhuar me helikopter për kontrollin e zonave me risk e në terren të vështirë malor.
Policitë Vendore po kontrollojnë në çdo magazinë, depo, tunele, sera e ambiente të braktisura.
Siç bëhet e ditur nga Policia e Shtetit, kontrollet po bëhen në gjithë ato vende ku 10 vitet e fundit janë evidentuar bimë narkotike të kultivuara.