Amnistia për dorëzimin vullnetar të armëve do të shtyhet deri në fund të vitit. Kështu ka deklaruar ministri i Brendshëm në detyrë Saimir Tahiri, në një tryezë për procesin e dorëzimit të armëve.
Në janar policia shqiptare nisi fushatën për dorëzimin vullnetar të armëve pa leje për ti shpëtuar përgjegjësisë penale, afati i të cilës ishte deri më 30 prill.
Në këtë kuadër z. Tahiri përkujtoi edhe tragjedinë e Gërdecit, në 15 mars të 9 viteve më parë.
“Sot është një ndër ditët më alarmante që na kujton ne padrejtësinë e madhe në gjykata. 9 vite më parë humbën jetën 26 qytetarë, mes tyre fëmijë. Kërkoj ndjesë personale për gjithçka nuk bëmë dot ndaj atyre që shkaktuan tragjedinë”, deklaroi Tahiri.
