Rama: Ambasada Trump nuk e mbështetë protestën e PD-së

Shqipëria

Rama: Ambasada Trump nuk e mbështetë protestën e PD-së

Më: 27 mars 2017 Në ora: 15:58
Kryeministri i Shqipërisë Edi Rama

Kryeministri i Shqipërisë Edi Rama tha se administrata e Trump nuk e mbështet protestën e Partisë Demokratike dhe se SHBA apelon për dialog mes palëve.

Në një postim në Facebook, kryeministri shqiptar ka demantuar Lulzim Bashën kreun e opozitës i cili kadeklaruar se ka marrë mbështetje për kauzën e opozitës, gjatë takimeve me zyrtarë të administratës së Presidentit Trump si edhe me senatorë e kongresmenë.

Ky është postimi i plotë i Ramës:

KUSH GËNJEN?

Shtetet e Bashkuara të Amerikës deklarojnë se asnjë prej çështjeve të mprehta të aktualitetit politik në vend nuk duhet të jetë shfajësim për bojkotin e Parlamentit, bllokimin e zgjedhjeve dhe Reformës në Drejtësi.

Në përgjigje të interesimit të Top Channel, ambasada amerikane në Tiranë tha se administrata e Trump nuk e mbështet protestën e Partisë Demokratike.

SHBA apelon për dialog mes palëve. Pas kthimit nga Shtetet e Bashkuara të Amerikës, Lulzim Basha ka deklaruar se ka marrë mbështetje për kauzën e opozitës, gjatë takimeve me zyrtare të administratës se Presidentit Trump si edhe me senatorë e kongresmenë. Top Channel iu drejtua ambasadës së Shteteve të Bashkuara ne në Tiranë dhe e pyeti se në çadër zoti Basha duket se pretendon se ka mbështetjen e administratës Trump për protestën e PD.

A është kjo e vërtetë? Përgjigjja e një prej zëdhënësve të Ambasadës ishte kjo: “Jo. Qeveria e Shteteve te Bashkuara mbështet zgjedhje të lira dhe të ndershme, dekriminalizimin dhe luftën kundër narkotikëve, por këto çështje nuk duhet të përdoren si shfajësime për të bojkotuar Parlamentin, për të bllokuar zgjedhjet, apo për të vonuar zbatimin e reformës së gjyqësorit.

Nxisim dialogun midis qeverisë dhe opozitës për t’i zgjidhur këto”.

Sot mund të lexoni Shfletoni kopertinat