Kryeministri Edi Rama ka vizituar këtë të shtunë Shkodrën dhe përpara mbërritjes në qytet ka postuar një foto dhe një sms thumbues për kryebashkiaken Voltana Ademi, në lidhje me gjëndjen e mjetuar të Urës së Bunës.
Pavarësisht se kundërpërgjigja ka ardhur nga ana e demokrates, e cila ka nxjerrë zbuluar kryeministrin, Rama nuk është mjaftuar në ironizimin e kryebashkiakes. Në fjalën e tij përpara të rinjve socialistë të Shkodrës kryeministri ka ngatërruar Ademin me Jozefina Topallin dhe në fund të fjalimit i është rikthyer çështjes së Urës së Bunës.
“Ata të çadrës kanë një problem, seç kanë me themel. I hanë themelet. Shkodra drejtohet nga PD, dhe Bajram Curri po ashtu. Kryebashkiaku i Tropjës është demokrat dhe sdo të më shoh me sy, por kur shkoj e takoj. Thotë kjo këtu, Jozefina, kjo Voltana: ‘Ca na duhen ne sheshet, ne s’kemi e ongër’. Moj zonjë, moj zonjë, shko e shiko Tamarën. Kanë më bukë sot apo më pak. Këtyre sikur u han bukën kur i pastron. pastërtia sipas këtyre është shoë, fasadë… Ura e Bunës. Nuk kena lekë thonë. Por nuk ka nevojë për lekë por për dashuri për Shkodrën. O rregullo urën e Bunës, ose do ta rregullojmë ne ndërtim pa leje.”, tha Rama.
Disa minuta më parë, teksa kryeministri po fliste përpara socialistëve, Voltana Ademi postoi një document ku tregonte se Ura e Bunës është në varësinë e Ministrisë së Mbrojtjes dhe se pavarësisht kërkesave për rinovimin e saj nga ana e Bashkisë Shkodër, ende nuk është bërë asgjë.