Policia e Elbasanit ka reaguar në lidhje me një video të publikuar, ku një punonjës policie shfaq gjatë momentit të arrestimit të një personi.
Në këtë video, pretendohej nga qytetarët, se polici i Kirmeve të Rënda ka ushtruar dhunë ndaj qytetarit, ku e ka goditur edhe me grushte.
Po ashtu, sipas qytetarëve të ndodhur në vendin e ngjarjes, ai është arrestuar pasi nuk i ka hapur rrugën punonjësi të policisë.
“Në lidhje me një video të publikuar në portale që bën fjalë për shoqërimin e një shtetasi ju informojmë se:
Shtetasi SH.XH., 42 vjeç, banues në Elbasan është shoqëruar për verifikim si i dyshuar në lidhje me një vepër penale nga ana e një punonjësi të Drejtorisë Vendore të Policisë Elbasan. Ky person u la në gjendje të lirë pas kryerjes së veprimeve përkatëse verifikuese dhe proceduriale.
Duke marrë shkas nga pamjet në videon e publikuar, Drejtoria Vendore e Policisë Elbasan në bashkëpunim me Drejtorinë e Standarteve Profesionale në Policinë e Shtetit po kryejnë veprime të tjera verifikuese në lidhje me zbatimin dhe respektimin e procedurave standarde të punës në momentin e shoqërimit.
Drejtoria Vendore e Policisë Elbasan falënderon median dhe publikun për bashkëpunimin dhe fton ato të denoncojnë çdo rast shkeljeje të ligjit.”, -sqaron policia.
