Kryeministri Edi Rama deklaroi sot se fabrika e re e teknologjisë së fundit, nisi punën në zonën minerare të Kukësit për pasurimin e kromit.
“Një fabrikë e re e teknologjisë së fundit, nisi punën në zonën minerare të Kukësit për pasurimin e kromit, duke hapur një tjetër front rritjeje ekonomike e punësimi, me paga nga 400 mijë deri ne 2.2 milion lekë [????] ”, shprehet kryeministri Edi Rama në statusin e tij në Facebook, ku përcjell edhe një video promocion nga aktiviteti i fabrikës së sapo përuruar në Kukës.
Një ditë më parë, kryeministri Edi Rama ndodhej në Kukës ku bashkebisedoi me të rinjtë dhe votuesit e herës së parë, ku deklaroi se Partia Socialiste jo vetëm është forca udhëheqëse në rrugën e Shqipërisë që duam, por është garancia e çdo shqiptari, pa dallim, se Shqipëria që duam do të jetë e drejtë dhe e barabartë me çdo qytetar, pa dallim.
