Efektivët e Policisë së Shtetit dhe asaj të bashkisë së Shkodrës janë përplasur mes tyre ditën e sotme.
Ndërkohë përsa i përket këtij incidenti, shkak i të cilit është bërë moslejimi i ngritjes së një çadre e cila do të përdorej për zhvillimin e takimit që Kryeministri Rama do të mbajë sot në qytetin e Shkodrës, ka reaguar edhe kryebashkiakia e Shkodrës Voltana Ademi.
Sipas kryebashkiakes, policia e rendit ka ndërhyrë në mënyrë të paligjshme, pasi çadra e vendosur është e jashtëligjshme, pasi nuk është marrë leja e nevojshme pranë bashkisë.
“Policia e rendit nuk lejoi aktivitetin sensibilizues të Bashkisë por ndërhyri në mënyrë të paligjshme. Kërkoi të bllokojë aktivitetin sensibilizues me arsyetimin se do të zhvillohet takimi i PS. Ne do të vazhdomë aktivitetin tonë për ditën e familjes”, u shpreh kryebashkiakia.
Ademi e ka quajtur incidentin mes përfaqësuesve të policisë një provokim të Kryeministrit Rama.
