Ish-kryeministri i Shqipërisë, Sali Berisha ka reaguar lidhur me marrëveshjen e arritur ditën e djeshme dhe bërë publike ditën e sotme mes kryeministrit Edi Rama dhe liderit të PD-së, Lulzim Bashës.
Përmes një statusi në profilin e tij në ‘Facebook’, Berisha thotë se nga kjo marrëveshje kanë fituar të gjithë shqiptarët.
Duke vlerësuar paktin, Berisha vazhdon me tej duke thënë se çdo shqiptarë duhet të ndihet i lehtësuar, si dhe ka falenderuar ndërkombëtarët për të gjithë mbështetjen që kanë dhënë për të arritur këtë marrëveshje.
Statusi i Berishës:
Nje marreveshje nga e cila fiton vendi!
Te dashur miq, drejtuesit e dy partive kryesore te vendit firmosen sot nje marreveshje, me te cilen i dhane zgjidhje njeres prej krizave politike me te rrezikshme te ketyre 26 viteve te fundit, qe prej disa muajsh kishte rrokur vendin.
Ne kete kontekst, mendoj se çdo shqiptar duhet te ndjehet vertet i lehtesuar per zgjidhjen me mjete politike te kesaj krize qe kercenonte ne menyren me serioze ekzistencen e pluralizmit politik ne Shqiperi, themelet kushtetuese te shtetit demokratik, paqen sociale dhe stabilitetin e vendit.
Keshtu qe pa u ndalur ne nje analize te hollesishme, e them me bindje te plote se me kete marreveshje ka fituar Shqiperia dhe se per te gjithe shqiptaret qe e duan vendin e tyre dhe vlerat e lirise, marreveshja eshte nje ëin-ëin story.
Me kete rast te dashur miq, le te shprehim mirenjohjen tone me te thelle ndaj miqve tane te respektuar europiane dhe amerikane per ndihmen e tyre tejet te çmuar qe dhane ne arritjen e kesaj marreveshje si dhe ndaj te gjithe atyre burrave dhe grave, djemve dhe vajzave qe vendosen sakrificen e tyre ne themel te saj si dhe ndaj te gjithe atyre, qe me angazhimin serioz bene te mundur kete marreveshje te nje rendesie historike per Shqiperine! sb
