Kryeministri Rama e ka nisur ditën e sotme me një mirëmengjes nga parku Arkeologjik i Amantias, zbukuruar sipas tij si kurrë më parë. Por, mes komentuesve që e urojnë për punën befason kërkesa e një qytetari të Delvinës, që i paraprin vizitës së Ramës në këtë zonë.
Ai i tregon vuajtjet per ujin e pijshem, dhe nuk i kerkon 24 ore uje, por te pakten 4 ore paradite e 4 pasdite sa te mbarojne punet.
Postimi i Rames
MIRËMËNGJES dhe ju uroj një ditë të mbarë me këto pamje fantastike nga Parku Arkeologjik i Amantias në Vlorë, zbukuruar si kurrë më parë me një prani dhe energji të jashtëzakonshme labërie. Kemi bërë shumë. Më shumë akoma mbetet për të bërë. Po ka edhe shumë për të humbur, nëse #PartiaSocialiste nuk mban, pa të tjerë në prehër, timonin e reformave.