Ambasadori britanik në vendin tonë, Norman Duncan ka zhvilluar një vizitë në Shkodër si pjesë e një turi në veri të Shqipërisë. Duncan tha se reforma në drejtësi është e rëndësishme për Shqipërinë dhe proceset integruese, ndërsa ndryshimi i Kushtetutës nuk është i mjaftueshëm. Ai u shpreh se duhet të zbatohet reforma në drejtësi.
“Kemi pare disa zhvillime te rëndësishme siç ishin zgjedhjet dhe ne shtator kemi edhe qeverinë e re. Reforma ne drejtësi është shume e rëndësishme për Shqipërinë. Procesi nisi në korrikun e kaluar dhe kemi parë legjislacionin e duhur.
Ndryshimi i Kushtetutës nuk është i mjaftueshëm, ajo që duhet të shohim është që këto ndryshime siç është vettingu të zbatohen. Shpresojmë në një proces gjyqësor të drejtë dhe kjo është e rëndësishme për qytetaret”- tha Duncan.