Ish-ministri i Drejtësisë, Ylli Manjani ka bërë një reagim për opozitën shqiptare, ku pjesë e saj është edhe LSI. Manjani deklaron se opozitë është e lodhur dhe e mplakur.
Sipas tij nuk ka asnjë alternativë dhe asnjë ide, duke theksuar se “kjo opozitë krijon përshtypjen se pushteti politik në Shqipëri do ndahet ndërmjet Ramës dhe Veliajt”.
Reagimi i Manjanit
Lëre opozitën, mos e nga! Është e lodhur, e mplakur megjithë makiazhin me moshën e re…
Ajo është e shkartisur, e përçarë sa mban më. Njëra opozitë akuzon Ramën dhe mbron Veliajn e gjithë të tjerët. Tjetra opozitë sulmon Veliajn e gjithë të tjerët, por jo Ramën…
Opozita po krijon përshtypjen se pushteti politik në Shqipëri do ndahet ndërmjet Ramës dhe Veliajt…
Asgjë alternative! As ide e as mendim! Vetëm zhurmë dhe goditje taktike që i dinë vetëm ata vetë se cfarë synojnë…
Çtë thonë ata për Akademinë e Shkencave në këto kushte?! Shkenca e oponencës dhe opozitës ka kohë që është në krizë…?
Ditë e javë të mbarë, pa shkencën e morën ujrat e zeza dhe është derdhur në det…
