Burime të Report Tv nga SHISH pohojnë se 4 makinat e sekuestruar dje nga policia në kuadër të operacionit ‘Vjeshtë 2017’ dyshohet se janë të bandës së Emiljano Shullazit.
Sipas burimeve, makinat u fshehën pas aksionit ‘Vjeshtë 2017’ por dje janë sekuestruar.
Tre prej makinave janë të trafikuara nga vendet e BE, njëra prej të cilave është me targa të falsifikuara.
Katër makinat e blinduara të bandës së Shullazit janë me vlerë një milion euro.
Njëra prej makinave të blinduara përdorej nga shtetasi me inicialet P.S. Informacioni për makinat e blinduara u dha nga SHISH duke sjellë bllokimin nga policia e shtetit dje.
