Përmes një statusi në rrjetin social, ish kryeministri Sali Berisha ka akuzuar Ministrin e Ekonomisë dhe Financave Arben Ahmetaj, i cili sipas denoncimit të “qytetarit dixhital”, postuar nga deputeti i PD-së, është paraqitur pranë banorëve të përmbytur në Kavajë me persona me precedentë kriminalë.
Fjala është për kreun e PS-së në Gentian Daja, i cili sipas denoncuesit është dënuar me burg në Itali për prostitucion dhe trafik droge. Një tjetër emër i denoncuar dhe që shihet nën shoqërinë e Ahmetajt (vizitë e kryer ditën e djeshme) është dhe Seid Cikalleshi, i cili u arrestuar pra disa ditësh si njëri ndër përgjegjësit për vjedhjen dhe përvetësimin e disa hektarëve tokë në zonën e plazhit në Spille.
DENONCIMI I BERISHËS:
Qytetari dixhital denoncon Ministrin Ahmetaj, i cili shkon tek qytetaret e Kavajes i rrethuar nga bota e tij e krimit.
Lexoni mesazhin dhe shikoni foton e qytetarit dixhital. sb
“Doktor,sot Arben Ahmetaj pasi u largua uji erdhi ne Kavaje per te vizituar zonen e permbytur nen shoqerine e kreut te PS Gentian Daja.
Gentian Daja eshte i denuar per prostitucion dhe trafik droge ne Kazerta te Italise.
Po ashtu vjehrri i Gentian Dajes,Seid Cikalleshi u arrestua para 10 ditesh per vjedhjen e tokave ne Spille pasi mbante postin e drejtorit te Hipotekes se Kavajes.
Ky eshte turpi dhe karshilleku qe mafia e veshur me pushtet u shet qytetareve dhe drejtesise per te bere punen e vet!”