Vrasja e Aleksandër Ndokës, vëllait të ish-deputetit socialist, Arben Ndoka ka ngritur në këmbë policinë. Këta të fundit kanë ngritur një grup të gjerë hetimor për të zbardhur krimin.
Burime nga policia kanë treguar ditën e sotme se pista më e re ku po hetohet për vrasjen e Ndokës është ajo për shkak të detyrës.
Prej muajsh Aleksandër Ndoka ishte drejtor i IKMT-së për rajonin e Shkodrës dhe pikërisht këtu kanë nisur edhe verifikime të të gjitha rasteve.
Dyshimet janë se aksionet për prishjen e ndërtimeve në bregun e Velipojës e jo vetëm mund të kenë sjellë edhe vrasjen e tij. Deri më tani po hetohet edhe për konfliktet e djemve të tij.
